“Unibank”ın xalis mənfəəti 4 dəfədən çox artıb - BANKIN SON VƏZİYYƏTİ MƏLUM OLDU
"Unibank” ASC 2019-cu ilin 1-ci yarısını (yanvar-iyun) 62 milyon 435 min manat xalis mənfəət ilə başa vurub. Bu, ötən ilin eyni dövrü ilə müqayisədə 4,2 dəfə çoxdur. "Unibank” ASC 2018-ci ilin birinci yarısını 14 milyon 639 min manat xalis mənfəətlə bağlamışdı.
Cari ilin 1-ci yarısındakı xalis mənfəətin böyük hissəsi ehtimal olunan kredit itkiləri üçün yaradılmış ehtiyatlın bir hissəsinin geri qayıtmasından qaynaqlanır. Mayda dollar kreditlərinə görə vətəndaşlara dövlət büdcəsindən kompensasiyanın ödənilməsi "Unibank"ın kredit risklərini azaldıb və ehtiyatın azad olması davam edib.
"Marja” Bankın rüblük hesabatına istinadən xəbər verir ki, 2019-cu ilin yanvar-iyun dövründə "Unibank"ın cəmi gəlirləri 51 milyon 795 min manat (42 milyon 38 min manatı faiz gəlirləri, 7 milyon 657 milyon manatı haqq və komissiya gəlirləri, 2 milyon 70 min manatı xarici valyuta ilə əməliyyatlardan gəlir), cəmi xərcləri isə 47 milyon 104 min manat təşkil edib. Bankın gəlirləri xərclərini üstələdiyindən 4 milyon 691 min manat əməliyyat mənfəəti yaranıb. Həmçinin, ehtiyatın 57 milyon 778 min manatı azad olduğundan "Unibank”ın mənfəət vergisindən əvvəl mənfəəti 62 milyon 470 min manata yüksəlib. 35 min manat mənfəət vergisi xərci ilə əlaqədar olaraq xalis mənfəət 62 milyon 435 min manat təşkil edib.
Müqayisə üçün qeyd edək ki, "Unibank” ASC ehtiyatlardan 22 milyon 651 min manat azad olması hesabına 2018-ci ilin birinci yarısını 14 milyon 639 min manat xalis mənfəətlə başa vurmuşdu. Ehtiyatların azad olması gecikmədə olan kreditlərin ödənildiyinə işarədir.
BANK BÖYÜYÜB, MÜŞTƏRİLƏRƏ VERİLƏN KREDİTLƏR ARTIB
30 İyun 2019-cu il tarixində "Unibank” 799 milyon 494 miln manat cəmi aktivlərə mlik olub və aktivlərin 404 milyon 702 min manatını müştərilərə verilmiş kreditlər təşkil edib.30 İyun 2018-ci il tarixində "Unibank" 621 milyon 245 min manat cəmi aktivlərə, o cümlədən 331 milyon 650 min manat müştərilərə veilmiş kreditlərə malik idi.
Xəbər yenilənir….