"Türkiyə uzaqlaşdırıldığı təqdirdə "F-35” layihəsi tamamilə iflasa məhkum olacaq”. Bunu Türkiyə Prezidenti Rəcəb Tayyib Ərdoğan İstanbulda keçirilən 14-cü Beynəlxalq Müdafiə Sənayesi sərginin açılışında bildirib. 

"Müdafiə sənayesində istehsalın bütün mərhələlərində söz sahibi olmaq hədəflərimizə addım-addım yaxınlaşırıq. Bəziləri Türkiyənin keçmişinin 1 əsrdən ibarət olduğunu zənn edir. Dünya bu gün tikan üstündədir. Tək tərəfli gücdən istifadə və sanksiya təhdidləri gedərək daha çox müraciət edilən bir yol olub. 

Suriyada bir terror təşkilatına bizə pul ilə satılmayan silahların verilməsi kədərlə izləyirik. Türkiyə siyasi, diplomatik və iqtisadi sahədə olduğu kimi müdafiə sənayesində də heç bir təzyiqi qəbul etməyib, etməyəcəkdə".

Onun sözlərinə görə, Türkiyə tarix boyu içində yer aldığı bütün ittifaqların hüquqlarına sadiq qalıb, öhdəsinə düşənləri yeinə yetirib. "Məsələn, sərhədlərimizdəki tacizlərə görə hadan müdafiə sistemlərinə ehtiyacımız olanda ilk müraciət etdiyimiz müttəffiqlərimiz olub. Təəssüf ki, bu yöndəki tələblərimiz ya cavabsız qalıb, ya da yoxuşa sürülüb".