Türkiyənin müdafiə nazirinin Naxçıvana səfəri başlayıb
İyunun 10-da Türkiyə Respublikasının Milli Müdafiə naziri cənab Hulusi Akarın rəhbərlik etdiyi nümayəndə heyəti "Sarsılmaz qardaşlıq-2019” birgə döyüş atışlı taktiki təlimini izləmək məqsədilə Naxçıvan şəhərinə gəlib.
Bu barədə Sfera.az-a Müdafiə Nazirliyinin Mətbuat xidmətindən məlumat verilib.
Qeyd edək ki, iyunun 7-də Naxçıvanda "Sarsılmaz qardaşlıq-2019” Azərbaycan-Türkiyə
birgə döyüş atışlı taktiki təlimi başlayıb. Təlimin məqsədi qərargahların müştərək
döyüş əməliyyatları planlarının hazırlanması, şəxsi heyətin peşəkarlıq səviyyəsinin
artırılması və birgə tapşırıqları icra etmək vərdişlərinin inkişaf etdirilməsi
ilə Azərbaycan və Türkiyə hərbi bölmələrinin qarşılıqlı fəaliyyətinin
koordinasiyasına nail olmaqdır.
Təlimlər iyunun 11-də başa çatacaq.