Türkiyədə seçki günündə qadağalar: Toy olmayacaq
Yüksək Seçki Şurasının (YSK) martın 31-də keçiriləcək seçki günündə tətbiq olunacaq qadağalar rəsmi şəkildə yayımlanıb.
Sfera.azTürkiyə mediasına istinadən xəbər verir ki, martın 31-i günü səhər saat 06-dan gecə saat 24:00-a qədər spirtli içkilərin satılması, içkili yerlərdə və məhəllələrdə hər növ spirtli içkinin verilməsi və içilməsi qadağan olunacaq.
Səsvermə zamanı çayxanalar, internet kafelər kimi bütün eyləncə mərkəzləri bağlı olacaq, əyləncə üçün nəzərdə tutulan restoranlarda yalnız yemək veriləcək.
Hətta səsvermə günü toylar seçim qaydalarına və müəyyən olunan qaydalara riayət etməklə saat 18:00-dan sonra keçiriləcək.
Səsvermə günü radio və bütün media orqanlarında saat 18:00-a qədər seçki və seçkinin nəticələri ilə bağlı xəbər, təxmini informasiya və şərh verilməyəcək.
Radio və bütün media orqanlarında 18:00-21:00 arasında ancaq YSK tərəfindən seçki ilə bağlı açıqlanan xəbərlər yayımlanacaq.
Bütün media qurumları saat 21:00-dan sonra sərbəst olacaq, ancaq YSK-nın vacib bildiyi media orqanları xəbər yayımlamaq üçün sərbəst buraxılacaq.
Sfera.az