Bu sözləri Sfera.az-a müsahibəsində Türkiyə Böyük Millət Məclisinin (TBMM) Türkiyə-Azərbaycan parlamentlərarası dostluq qrupunun rəhbəri, hakim ədalət və İnkişaf Partiyasından (AKP) seçilmiş deputat Necdet Ünüvar bildirib. 

Türkiyəli millət vəkili 26 il öncə bütün dünyanın gözü qarşısında Xocalıda ermənilər tərəfindən soyqırım törədildiyini söyləyib:

"Beynəlxalq ictimaiyyət yüz il bundan əvvəlki heç bir əsası olmayan qondarma "soyqırım”ı müzakirə etməkdənsə, real faktlar, sənəd və videogörüntüləri olan Xocalı soyqırımını müzakirə etməlidir. Bunun üçün canlı şahidlər var. Əgər Xocalı soyqırımı törədilən zaman dünya ictimaiyyəti buna göz yummasaydı, indi dünyada insanlıq əleyhinə başqa cinayətlər törədilməzdi”.

Necdet Ünüvar bəyan edib ki, Türkiyə kimi digər türkdilli və müsəlman dövlətləri də Xocalı soyqırımını hər zaman gündəmdə saxlamalıdır: 

"Ermənistan tərəfi Xocalı soyqırımını törədənləri cəzalandırmaq əvəzinə, onları qəhrəman elan edərək dövlət vəzifələri verdi. Ancaq bütün bunlar çox davam edə bilməz. Azərbaycan torpaqlarını işğal edən Ermənistan bu gün heç nəyə nail olmayıb. Əksinə, bu gün işğalçı Ermənistan bölgənin ən kasıb ölkəsinə çevrilib. Azərbaycan torpaqlarının işğaldan azad edilməsi ilk növbədə Ermənistanın xeyrinədir. Ermənistan xalqı və rəhbərliyi artıq bunu dərk etməlidir".