Yeni Zelandiyada turistlər üçün şüşəli ev.

Yeni Zelandiyanın "PurePods” memarlıq şirkətinin layihəsi əsasında təbiət qoynunda kiçik, lakin çox rahat şüşəli ev inşa olunub.

AZƏRTAC bildirir ki, şəhər kənarında turistlərin istirahəti üçün nəzərdə tutulmuş orijinal evin divar və tavanı da bütünlüklə şüşədən ibarətdir.

Evin daxili interyeri çox sadədir və yaşamaq üçün hər şərait var. Şüşəli evin özəlliklərindən biri odur ki, turistlər ətraf mənzərəyə elə evdən də tamaşa edə bilərlər. Şüşə tavandan isə gecələr ulduzlu səmaya əsrarəngiz mənzərə açılır.

Maraqlıdır ki, ətrafda nə yol, nə telefon, nə də insanlar var.