ABŞ-ın yeni seçilən prezidenti Donald Trampın Nyu-Yorkda keçirdiyi mətbuat konfransı ona qarşı səsləndirilən kompromatdan başlayıb. APA-nın “Gazeta.ru”-ya istinadən verdiyi xəbərə görə, Trampın nümayəndəsi mətbuat konfransını açarkən KİV-də yer alan son məlumatların həqiqətə uyğun olmadığını bildirib. Tramp “BuzzFeed” saytında yer alan anonim məruzəni cəfəngiyat adlandıraraq, adıçəkilən xəbəri yaymayan KİV-lərə minnətdarlığını bildirib. Qeyd edək ki, senator Con Makkeyn ötən ilin sonunda Trampla əlaqədar kompromat xarakterli məlumat alaraq Federal Təhqiqatlar Bürosunun rəhbərinə ötürdüyünü bildirib.