Tibb işçisinin təcavüz etdiyi koronavirus xəstəsi vəfat etdi
14:58 / 17.05.2021
2327
Hindistanda tibb işçisi COVİD-19-a yoluxan qadına təcavüz edib.
Sfera.az bildirir ki, hadisə Madya Pradeş əyalətində baş verib. Belə ki, 40 yaşlı Santoş Ahirvar xəstəxanada müalicə olunan 43 yaşlı qadına təcavüz edib və bir neçə saatdan sonra vəziyyəti pisləşən qadın dünyasını dəyişib.
Həmin tibb işçisinin bundan öncə 24 yaşlı həmkarına da təcavüz etdiyi məlum olub. Santoş Ahirvar həmçinin əvvəl çalışdığı xəstəxanaya içkili halda getdiyinə görə uzaqlaşdırılma cəzası da alıbmış.
Məlumata görə, təcavüzə uğrayan və daha sonra vəfat edən qadının adı və soyadı ailəsinin istəyinə uyğun olaraq gizli saxlanılır. Təcavüzçü isə artıq polis tərəfindən saxlanılıb.
Qeyd edək ki, oxşar hadisə ötən günlərdə İngiltərədə də olub. Belə ki, 75 yaşlı Valerie Knilin ölümü şübhəli olaraq müəyyən edilsə də, sonradan xəstəxana əməkdaşlarından birinin ona təcavüz etdiyi ortaya çıxmışdı. Təcavüz səbəbindən 75 yaşlı qadının çoxlu qan itirərək dünyasını dəyişdiyi anlaşılıb.
Günay
Sfera.az