Temperatur 7 dərəcə enir, yollar buz bağlayacaq - Xəbərdarlıq
12:42 / 24.01.2018
678
Sabahdan havalar soyumağa başlayır.
Sfera.az-a Ekologiya və Təbii Sərvətlər Nazirliyinin Milli Hidrometeorologiya Departamentindən daxil olan məlumatda bildirilir ki, yanvarın 25-i axşam şimal və qərb rayonlarından başlayaraq yanvarın 28-dək ölkə ərazisində hava şəraitinin qeyri-sabit keçəcəyi, arabir yağıntılı olacağı, qar yağacağı, bəzi yerlərdə intensiv olacağı gözlənilir.
Şimal-şərq küləyi əsəcək, ayrı-ayrı yerlərdə arabir güclənəcək.
Havanın temperaturu ötən günlərlə müqayisədə tədricən 4-7 dərəcə enəcək.
Dağlıq rayonlarda yolların buz bağlayacağı ehtimalı var.