Cəmİyyət

Təcavüz edən şəxsi ÖLDÜRMƏK - Yeni qanun qəbul ediləcək?

Təcavüz edən şəxsi ÖLDÜRMƏK - Yeni qanun qəbul ediləcək?
Qadınların cinsi zorakılığa məruz qalması dünyanın yüz illərdir mübarizə apardığı problemlərdən biridir. 

Bir sıra dövlətlərdə bu problemin həllinə qarşı bir sıra sərt addımlar atılır. Məsələn, Rusiyada qəbul olunan yeni qanuna görə, təcavüzə məruz qalan xanımlar müdafiə olunmaq üçün güc tətbiq edə və hətta təcavüzçünü öldürə bilər.

Maraqlıdır ki, Azərbaycanda təcavüzə məruz qalan xanımlarla bağlı xüsusi qanun qəbul edilə bilərmi?

Vəkillər Kollegiyasının üzvü, vəkil Xəyal Bəşirov  açıqlamasında bildiirb ki, təcavüzə məruz qalan şəxslərlə bağlı xüsusi qanun olmasa da, zəruri müdafiə anlayışı mövcuddur:

"Cinayət Məcəlləsinin 36 və 38-ci maddələrinə əsasən, özünü müdafiə edənin və ya başqa şəxsin həyatına və sağlamlığına qəsd edənə zərər vurmaq yolu ilə törədilmiş hansısa hərəkət  zəruri müdafiə həddini aşmayıbsa, cinayət sayılmır”.

Vəkil qeyd edib ki,  təcavüzçünün öldürülməsi ilə bağlı xüsusi qanunun qəbulu gözlənilmir:

"Ölkənin daxili qanunvericiliyinə və tərəfdarı olduğu beynəlxalq konvensiyaların roluna ziddir. Təcavüz edən şəxsi öldürmək məsələsi bir qədər çaşdırıcıdır. Ola bilər ki, təcavüzə məruz qalan şəxs təcavüzçünü həmin an deyil, sonradan öldürsün. Sonradan öldürmə zamanı cinayət işi açılır. Hazırda ölkəmizdə bu məsələ ilə bağlı müzakirə getmir və qəbul edilməsi barədə gözlənti yoxdur. Əslində, bu cür qanunun qəbul edilməsi ayrı-seçkiliyə səbəb olar. Çünki xanımlarla yanaşı, təcavüzə məruz qalan kişilər də az deyil”.Redaktor.az

XƏBƏR LENTİ

«    May 2019    »
B.eÇ.aÇC.aC.Ş.B
 12345
6789101112
13141516171819
20212223242526
2728293031