Tahir Rzayev: \"Bu yolverilməzdir\"
15:00 / 23.02.2018
4256
"Baytarlıq xidmətinin yaxşılaşdırılması diqqət mərkəzindədir, lakin çox ciddi çatışmazlıqlar var".
Sfera.az xəbər verir ki, bu sözləri Parlamentin bu gün keçirilən plenar iclasında çıxışı zamanı Milli Məclisin deputatı Tahir Rzayev bildirib.
T.Rzayev baytarlıq sahəsində mütəxəssislərin çatışmadığını söyləyib:
"Kolxoz və sovxozlar ləğv ediləndən sonra bu sahəyə maraq azaldı. Fəsil dəyişikliyi ilə bağlı quşlar və heyvanlar arasında kütləvi təlafatlar olur. Baytarlıq orqanlarının əməkdaşları bununla bağlı əhalini maarifləndirməlidir. Lakin bu görünmür.Bəzən kütləvi ev quşları məhv olur, lakin səbəbi araşdırılmır. Bəzi ölkələrdə bu məsələlər televiziya ekranlarında bu istiqamətdə maarifləndirici məlumatlar yer alır”.
Deputat mənşəyi məlum olmayan heyvanları satışa çıxaran şəxslər barədə görülən tədbirlərin açıqlanmasını da vacib olduğunu deyib:
"Bu ətlər barədə televiziyalarda da məlumatlar təqdim edilir. Lakin bu insanlar arasında qorxu yaradır. İnsanlar başqa ətləri də almaq istəmir. Bu hallara yol verən insanlar haqqında görülən tədbirlər aşkar edilmir. Yaxşı olar ki, qanunsuz ət satmaq istəyənlər aşkar ediləndən 1 ay müddətində həmin şəxslər barədə görülən hüquqi tədbirlər açıqlansın. Acınacaqlı haldır ki, kiçik çəkili heyvanlar satışa çıxarılması halları da var. 50-60 kiloqramlıq buzovların kəsilməsi yolverilməzdir. Bu heyvanlar öz ətini tutub yetişməlidir. Bu heyvandarlığa çox böyük ziyan vurur”.
Aydan Lətifova