Sürücüləri çaşdıran maddə: 500 manat cərimələnə bilərsiniz (VİDEO)
13:14 / 27.11.2017
1038
Bir həftə əvvəl daxili işlər orqanları tərəfindən həyata keçirilən əməliyyat tədbiri nəicəsində saxlanılan şəxslərdən biri Facebook-da videosunu paylaşaraq azadlıqda olduğunu bildirib.
Sfera.az baku.ws-ə istinadən xəbər verir ki, o, video müraciətində Azərbaycana antiradar deyil, qanunla istifadəsinə, satışına icazə verilən radar detektoru gətirdiyini bildirib.
"Azərbaycan qanunvericiliyndə radar detektorunu qadağan edən maddə mövcud deyil”, - deyə azadlığa buraxılan şəxs bildirib.
O, radar detektorunu alarkən ona verilən qəbzi, zəmanət kağızını da nümayiş etdirib: "Əgər qadağandırsa, aldığım yerdən bu qəbzi, zəmanət kağızını mənə necə veriblər”.
Daha sonra o, maşınına quraşdırdığı radar detektorunu nümayiş etdirib.
Daxili İşlər Nazirliyinin rəsmi məlumatında isə qeyd olunur ki, Respublikanın avtomobil yollarında təhlükəsizliyin daha etibarlı təmin olunması, həmçinin sürət həddini ölçən xüsusi texniki vasitələrin işinə mane olan və istifadəsinə qanunla icazə verilməyən antiradarların satışını təşkil edən şəxslərin müəyyən edilərək ifşa olunması məqsədi ilə daxili işlər orqanları tərəfindən əməliyyat tədbiri həyata keçirilib və 3 nəfər saxlanılıb.
Sfera.az
