Sumqayıt-Bakı qatarı yola düşmədi - SƏBƏB
Cəmiyyət
09:47 / 11.02.2019
3477
Sumqayıt-Bakı elektrik qatarının hərəkətində problem yaranıb.
Bu barədə "Azərbaycan Dəmir Yolları" Qapalı Səhmdar Cəmiyyəti (QSC) məlumat verilib. Bildirilib ki, Sumqayıt-Bakı marşrutu ilə işləyən, saat 08:00-da Sumqayıt sərnişin stansiyasından yola düşməli olan 6008 №-li elektrik qatarı texniki nasazlıq səbəbindən xəttə çıxmayıb.
Marşrut üzrə işləyən digər qatarlar hərəkət cədvəlinə uyğun olaraq yola salınıb. Bilet alan sərnişinlərin hamısı növbəti qatarla yola salınıb.
Hazırda nasazlığın səbəbləri araşdırılır.