ŞOK!!! Eldar Mahmudova Prezdentlik təklif ediblər
21:33 / 11.07.2016
1535
Sabiq MTN rəhbəri Eldar Mahmudovun xarici ölkələrin xüsusi xidmət orqanları ilə fərdi maraqlara əsaslanan iş birliyinin əsl səbəbi bəlli olub.
Bu barədə Moderator.az məlumat verib. Mənbənin sözlərinə görə, bu vaxta qədər E.Mahmudovun xarici dövlətlərlə yalnız maddi marağını təmin etmək üçün çoxşaxəli əməkdaşlıq etdiyi ehtimal edilsə də, sən demə, əsl səbəb tamamilə başqa olub:
"E.Mahmudovun öz şəxsi maraqlarını təmin etmək üçün xarici dövlətlərin xüsusi xidmət orqanları ilə əməkdaşlıqdan külli miqdarda vəsait əldə etdiyi bəllidir. Lakin pul qazanmaq E.Mahmudovla xarici dövlətlər arasındakı gizli əməkdaşlığın əsas hədəfi olmayıb. Nə qədər inanılmaz olsa da, E.Mahmudovun xüsusi xidmət orqnaları ilə əməkdaşlığının kökündə prezident olmaq istəyi dayanıb.
Belə ki, E.Mahmudovun onsuz da milyardlarla manat məbləğində böyük bir sərvətə sahib olduğunu bilən bəzi xarici xüsusi xidmət orqanları sabiq nazirdən öz məqsədləri naminə istifadə etmək üçün ona öz dövlətləri adından prezidentlik kürsüsü vəd ediblər. Onlar E.Mahmudovu inandırıblar ki, təmsil etdikləri dövlətlərin rəhbərliyi Azərbaycanda məhz onun prezidentliyini daha münasib hesab edir və bu məqsədlə ona bütün lazımi köməkliyi göstərəcəklər. E.Mahmudov da xarici xüsusi xidmət orqanları ilə məhz bu təminat qarşılığında əməkdaşlıq etməyə razılaşıb”.
Mənbənin məlumatına görə, E.Mahmudovun vəzifədən uzaqlaşdırılsa da, hələ də məsuliyyətə cəlb edilməməsi bəzi iri güclərin rəsmi Bakıya göstərdiyi təzyiqin nəticəsidir. Belə ki, onlar bütün səlahiyyətini itirməsinə baxmayaraq hələ də E.Mahmudovu müdafiə etməyi lazım hesab edir. Bu isə onların E.Mahmudov faktorundan gələcəkdə də istifadə etmək niyyətindən xəbər verə bilər...