Siyavuş Novruzov: \"Əsgər \"pol\" yumamalıdır\" — VİDEO
Müzakirəyə çıxarılan məsələlərdən bir neçəsi Azərbaycan Respublikası Silahlı Qüvvələri ilə bağlı olub.
"Azərbaycan Respublikası Silahlı Qüvvələrinin İntizam nizamnaməsi”, "Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi”, "Azərbaycan Respublikası Silahlı Qüvvələrinin daxili xidmət nizamnaməsi” barədə müzakirələr aparılıb.
"Orduya nəzarəti Silahlı Qüvvələr edir. Hər hansı bir nöqsan baş verdikdə struktur dəyişikliyi və ya bu məsələdə hər hansı qeyri-hökümət təşkilatının nəzarət edilməsini təklif etmək düzgün deyi. Hərbi xidmətə getməyənlər hərbi xidmətdən danışır. Lakin bu məsələ nəzəriyyə deyil. Bu praktikadır”
Bu sözləri iclasda çıxış edən millət vəkili Siyavuş Novruzov bildirib. O, ordudakı quruculuq işləri ilə bağlı müəyyən təkliflər irəli sürüb.
"Ali baş komandanın tapşırığı budur ki, əsgər yemək bişirməməli, pol yumamalı, digər işlərlə məşğul olmamalıdır. Əsgər silahla məşğul olmalıdır, döyüşə taktikası öyrənməli, döyüşə hazır olmalıdır. Bu baxımdan, mülki işləri, təsərrüfat işlərini görmək üçün başqa şəxslər cəlb olunur”,- deyə deputat bildirib.
Sfera.az