Siyavuş Aslanın küçədə gecələyən oğlu ilə bağlı açıqlama: “Tapmağa çalışırıq...”
12:08 / 16.09.2021
1558
Sosial
şəbəkələrdə mərhum aktyor, Xalq artisti Siyavuş Aslanın oğlu Çingiz Aslanovun
küçədə gecələməsi haqda fotolar paylaşılıb.
Mövzunun
aktuallığını və həssaslığını nəzərə alan Sfera.az Əmək və Əhalinin Sosial
Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr
şöbəsinin müdiri Murad Həşimovla əlaqə
saxlayıb.
O,
saytımıza açıqlamasında bildirib ki, Çingiz Aslanov daha əvvəl həssas əhali
qruplarından olan sığınacaq və sosial reabilitasiya müəssisəsində olub:
"Orada
yaşayış üçün zəruri xidmətlərlə əhatələnib. Lakin şəxsi seçimləri səbəbindən öz
istəyi ilə sığınacağı tərk edib. Onun küçədə gecələməməsi, sığınacağa yenidən cəlbi
üçün əməkdaşlarımıza təlimat verilib”.
Qurum
rəsmisi qeyd edib ki, artıq Əmək və Əhalinin Sosial Müdafiəsi Nazirliyinin
tabeliyində Sosial Xidmətlər Agentliyinin əməkdaşları əraziyə göndəriliblər:
"Çingiz Aslanovun özünün də razılığı olarsa, yenidən müəssisəyə cəlbini həyata
keçirməyə hazırıq”.
Günay Rəsulqızı
