Şimali Koreyada məmurlar camaatı ölümlə hədələdi
Dünya
18:28 / 30.01.2019
4808
Şimali Koreya rəsmiləri sakinləri ölümlə hədələyiblər.
Sfera.az xəbər verir ki, "Daily Telegraph” qəzeti Pxenyanın yeni represiyasından yazıb.
Belə ki, dövlət məmurları ölkənin cənubundakı Xvanxe vilayətinə gedərək əhaliyə mühazirələr oxuyublar. İnsanlara bildirilib ki, Cənubi Koreya telekanallarına baxmasınlar:
"Bizə dedilər ki, bilirik siz televizorların tezliyini dəyişib kapitalistlərin kanallarına baxırsınız. Əgər kimisə tutsalar sərt şəkildə cəzalandıracaqlar. Ölüm cəzası belə verilə bilər”.
Mənbənin sözlərinə görə belə mühazirələr 2019-cu il müddətində bütün cənub sərhəd bölgələrində davam etdiriləcək.
Sfera.az