Çinin Kayuan əyalətində 23 yaşlı Kun adlı bir nəfər 51-i azyaşlı, üçü böyük olmaqla, 54 nəfəri kimyəvi maddə ilə yandırıb.

Polisin verdiyi məlumata görə, bir nəfər uşaq bağçasının qapısını sındıraraq həyətinə girib və əlində gətirdiyi yandırıcı təsiri olan kaostik soda məhlulunu azyaşlıların və tərbiyəçilərin üstünə töküb.

Nəticədə, 51-i azyaşlı olmaqla, 54 nəfər yanıq xəsarəti alıb.

Onların vəziyyətlərinin təhlükəli olmadığı bildirilir.

Kun insanlara nifrət etdiyi üçün belə bir hərəkət etdiyini deyib.

Buna səbəb kimi, uşaq yaşlarından anasının ona qayğı göstərməməsini, kasıblıq və işsizliyi  göstərib. (oxu.az)