Şəki Xan Sarayında beş əsrlik ağaclar budanıb - FOTO
Şəki Xan Sarayında beş əsrlik ağaclar budanıb.
Oxu.Az xəbər verir ki, ağacların budanması bir müddət əvvəl burada baş verən bədbəxt hadisə ilə əlaqəlidir.
Şəki Şəhər İcra Hakimiyyəti başçısının köməkçisi Orxan Hüseynli faktı saytımıza təsdiqləyib.
O bildirib ki, ağacların budanması ikinci bir təhlükəli halın yaşanmaması üçün aparılıb:
"Bir müddət əvvəl Şəki Xan Sarayında baş vermiş hadisə ilə əlaqədar əraziyə xarici mütəxəssislərin iştirakı ilə baxış keçirilib. Avstriyalı mütəxəssislərin iştirakı ilə iki ağacda budaqların təhlükəli ola biləcəyi müşahidə edilib.
Nəticədə Şəki Xan Sarayının həyətindəki iki ağacın qurumuş 12 budağı kəsilib. Bu, hava şəraitinə görə və ümumi olaraq təhlükəsizlik məqsədilə görülən işdir. İşlər bir gün ərzində yekunlaşdırılıb”.