Sfera.az EL TV-yə (Region TV) istinadən xəbər verir ki, şəhidin ölümünün 40-cı günü münasibətilə təşkil olunan mərasimdə Mingəçevir şəhər ictimaiyyətinin nümayəndələri iştirak ediblər. Bildirilib ki, torpaqlarımız tezliklə işğaldan azad olunduqdan sonra şəhidlərimizin ruhları dinclik tapacaq. Mərasimdə şəhidin döyüş yoldaşları onun fədakarlığından danışıblar. Daha sonra şəhid Teymur Qasımovun təltif olunduğu medal onun atasına təqdim edilib. 

Bildirək ki, 1992 ci il təvəllüdlü şəhid Teymur Qasımov Talış yüksəkliyi uğrunda gedən döyüşdə qəhrəmancasına həlak olub. O, Mingəçevir Şəhidlər Xiyabanında dəfn olunub.