Ermənistanın eks-prezidenti Serj Sarkisyanın qardaşı Aleksandra ölkəni müvəqqəti tərk etməyə icazə verilib.

İrimiqyaslı fırıldaqçılıqda  ititiham olunan keçmiş deputatın İspaniyaya getdiyi bildirilir. Erməni mətbuatının iddiasına görə Sarkisyan İspaniyadan pul gətirmək üçün ölkəni tərk edib. Xatırladaq ki, Sarkisyanın biznesinin böyük hissəsi İspaniyadadır. 

Məlumatı Ermənistan Təhlükəsizlik Xidməti təsdiqləyib.

Qeyd edək ki, bir müddət öncə qeyri-qanuni silah saxlamasına görə həbs edilib daha sonra sərbəst buraxılan A. Sarkisyan büdcəyə 18,5 milyon dollar qaytarmışdı.