Qan xərçəngindən əziyyət çəkən rejissor Şahin Zəkizadənin vəziyyəti kritikdir.

BiG.AZ xəbər verir ki, rejissorun səhhəti yenidən pisləşib, süni nəfəs aparatına qoşulub.

Bu haqda Şahinin həyat yoldaşı Səbinə Zəkizadə məlumat verib:

"Şahinin vəziyyəti dünəndən etibarən daha da ağırlaşıb. Özü nəfəs ala bilmir. Süni nəfəs alma aparatına qoşuldu”.

S.Zəkizadə Şahinin ölüm xəbərinin yayılmasına da aydınlıq gətirib:

"Bəzi saytlarda yazılan xəbərlər yalandır. Özlərinə reytinq qazanmaq üçün yalan-yanlış xəbərlər yazırlar. Şahin yaşayır, hələ də müalicəsi davam edir. Nəsə acı bir xəbər olsa, öz dostlarımıza, qardaşlarımıza, bacılarımıza xəbər edəcəyik. Utanın, insan can halındadır, sizlər isə ölüm xəbər hayında. Ailəsinə bir insafınız gəlsin".