Sabah Bakının bu məkanlarında qaz olmayacaq SİYAHI
Bakının bir sıra rayonlarının, eləcə də Quba rayonlarının təbii qaz təchizatında məhdudiyyətlər olacaq.
Sfera.az oxu.az-a istinadən bildirir ki, "Azəriqaz" İB-nin ictimaiyyətlə əlaqələr şöbəsindən verilən məlumata görə, istismar müddəti başa çatmış diametri 250 millimetrlik siyirtmənin yenisi ilə əvəzlənməsi və yeni çəkilmiş diametri 76 millimetrlik qaz xəttinin qaz təchizatı mənbəyinə birləşdirilməsi məqsədilə fevralın 19-da saat 10:00-dan işlər yekunlaşanadək Nəsimi rayonunun 2, 3, 4-cü mikrorayonlarında, A.Qurbanov və H.Ələskərova küçələrində, Yasamal rayonunun Şərifzadə küçəsi, 1-ci və 2-ci Alatava qəsəbələrində, Nərimanov rayonunun Ağa Nemətulla, Y.V.Çəmənzəminli və Ə.Qayıbov küçələrinin, eləcə də Quba rayonunun bir hissəsində təbii qazın verilişində fasilələr yaranacaq.