Ruslar tətikdə: Qara dənizdə Türkiyə gəmisi atəşə tutuldu
Rusiya Hərbi Dəniz Donanması Qara dənizdə üzən Türkiyə ticarət gəmisinə atəş açıb.
Publika.az Türkiyə mediasına istinadən xəbər verir ki, Türkiyə bayrağı ilə üzən gəmi Qara dənizdəki rus hərbi gəmisindən açılan atəşdən sonra istiqamətini dəyişməyə məcbur olub.
Qeyd edək ki, dünən Rusiya Müdafiə Nazirliyinin mətbuat xidməti məlumat yayaraq bildirib ki, Egey dənizinin şimal hissənidəki Lemnos adasının 22 kilometrliyində üzən Rusiyanın “Smetlivıy” xətt gəmisinin heyəti Türkiyənin balıqçı gəmisi ilə toqquşmanın qarşısını alıb.
Qeyd olunub ki, gəminin növbətçi xidməti 1 kilometr aralıdan Türkiyə gəmisinin sağ tərəfdən onlara yaxınlaşdığını müşahidə edib. Gəmi heyətinin türk tərəfi ilə əlaqəyə çıxmaq cəhdləri baş tutmayıb. 600 metr məsafədə ruslar Türkiyə gəmisinə atəş açacaqları barədə xəbərdarlıq edib. Məhz bundan sonra Türkiyə gəmisi kursu dəyişdirib.
Türkiyənin Moskvadakı hərbi attaşesi təcili olaraq Rusiya Müdafiə Nazirliyinə çağırılıb.