Rusiyanın Novosibirsk vilayət məclisinin deputatı və onun ərinin ölümü ilə nəticələnən hadisənin təfərrüatları məlum olub, tvzvezda.ru məlumat yayıb.

Oxu.Az xəbər verir ki, deputat qadının əri xüsusitəyinatlı dəstədə xidmət edib, F-1 qumbarasını da məhz o işə salıb.

Eləcə də ilkin məlumata əsasən, bu davranışa səbəb kişinin arvadının ona xəyanət etməsindən şübhələnməsi olub.

Partlayış Tatyana Snejina küçəsində, 49 saylı evin qarşısında “Toyota RAV4” markalı avtomobilin salonunda baş verib. 

“Salonda iki meyit aşkar edilib”, - FlashSiberia portalı şəhərin hüquq-mühafizə orqanlarından olan mənbəyə istinadən məlumat yayıb.