Qarşılaşma 2:1 hesabı ilə yekunlaşıb.

 

Fransada keçirilən futbol üzrə Avropa çempionatında ikinci turun ilk oyunu keçirilib.

 

Sfera.az Oxu.Az-a istinadən xəbər verir ki, Lill şəhərinin "Pyer Moura” stadionunda Rusiya yığması 1:2 hesabı ilə Slovakiya millisinə uduzub.

 

Hesabı 32-ci dəqiqədə Vladimir Vayss açıb. İlk hissənin sonuncu dəqiqəsində Marek Hamşik Slovakiyanın üstünlüyünü iki topa çatdırıb.

 

Rusiya yığması hesab arasındakı fərqi 80-ci dəqiqədə Denis Qluşakovun vurduğu qolla azalda bilib. Lakin Leonid Slutskinin yetirmələrinin bundan artığına gücü çatmayıb.

 

Qeyd edək ki, iki oyundan sonra hesabında 1 xalı olan Rusiya yığması qrupda sonuncu yerdə qərarlaşıb.