“Rusiya tarix boyu öz müttəfiqlətini satıb” – Moskva niyə Ankaraya qarşı köklənib?
11:09 / 04.08.2021
1749
"Heç bir terror olayı, rus turistlərinin Türkiyəyə
getməkdən imtina etməsi kimi hadisələr Ankaranın xarici siyasətinə təsir etməyəcək.
Rusiya bundan artıq heç nə edə bilməz”.
Bu sözləri Sfera.az-a açıqlamasında Rusiya
Dövlət Dumasının deputatı Gennadi Onişenkonun Türkiyə əleyhinə səsləndirdiyi fikirlərə
münasibət bildirərkən, politoloq Natiq Miri deyib:
"Əslində, Onişenko və Jirinovski kimilərin
dililə Rusiya dövlətinin mövqeyi ortaya qoyulub. Yəni, Onişenkonun bu fikirləri
öz şəxsi təxəyyülünün məhsulu deyil. Belə düşüncələr hər zaman Rusiya siyasətinin
tərkib hissəsi olub. Kreml öz narahatlığını hər dəfə məhz bu cür alətlər vasitəsilə
gündəmə gətirir. Rusiya tarix boyu müttəfiqlərini satıb, bu gün də eyni siyasəti
davam etdirir. Moskva bununla Ankaranın davranışları ilə razı olmadığını Türkiyənin
nəzərinə çatdırmaq istəyib. Fikir vermisinizsə, son zamanlar Suriyanın
şimalında PKK terrorçuları yenidən aktivləşib. Suriyanın İdlib bölgəsinə hücum
olmayacağı ilə bağlı Rusiya Türkiyə anlaşması olsa da, həmin ərazi Dəməşq
rejiminin bombardımanına tuş gəlib. Bu hücumu havadan müdafiə edən isə Rusiya
olub. Qara dənizdə keçirilən NATO təlimlərində Türkiyənin öndə olması da şimal qonşumuzu
ciddi şəkildə qıcıqlandırıb”.
N. Miri
düşünür ki, Türkiyə Moskvanın bu təzyiqlərinə baş əyməyəcək: "Türkiyənin xarici
siyasətdə öz prioriteti var ki, bunu da addım-addım həyata keçirməkdədir”.
Həmsöhbətimiz belə hadisələrin Ankara ilə
Moskva arasındakı münasibətlərin yenidən korlanmasına gətirib çıxarmayacağına əmindir:
Rüfət SULTAN
