Sİyasət

Rəsmi Moskva Ermənistana nəyi başa salmaq istəyir? - AÇIQLAMA

Rəsmi Moskva Ermənistana nəyi başa salmaq istəyir? - AÇIQLAMA
Xəbər verdiyimiz kimi Ermənistanda bir qrup partiya fəalı Rusiya əsgəri tərəfindən Avetisyan ailəsinin qətlə yetirilməsinin 4-cü ildönümü və digər rus hərbçinin öldürdüyü Cülyetta Qukasyanın ölümünün 40-cı günü ilə bağlı yanvarın 12-də Rusiya Müdafiə Nazirliyinin Gümrüdəki 102-ci bazası qarşısında hüzn və etiraz aksiyası keçiriləcək. Bu haqda Ermənistanın Avropa partiyasının qurucusu Tiqran Xzmalyan "Facebook” səhifəsində məlumat verib.

Hərbi ekspert Tərlan Eyvazov Sfera.az-a açıqlamasında bildirdi ki, hansısa hadisə öz-özünə alovlanmır. Bütün Ermənistan, Rusiya mətbuatı, ekspertlər yazırdı ki,Paşinyan inqilabı başlamamışdan öncə Amerikanın İrəvandakı səfirliyində keçmiş sovet ölkələrində görülməmiş sayda işçiləri vardı:

 

"Bu da onu götərir ki, okean arxasından inqilaba dəstək verilmişdi. Amerika Rusiyanın mövqelərini sıxışdırmaq istəyirdi. Bundan əvvəlki president seçkilərində Qərb yönümlü namizədin qələbə şansı olsa da Rusiya bütün rıçaqlarını işə salıb buna imkan verməmişdi. ABŞ da Rusiyanın güc tətbiq edəcəyindən qorxub müvəqqəti geri çəkilmişdi”.


Ekspert deyir ki, Qərb revanş götürüb:

 

"Avropa yönümlü iqtidarın başa gəlməsi, Ermənistanın Rusiya təsir dairəsindən çıxıb Qərbə yönəlməsi göstərir. Azərbaycan və Gürcüstandan fərqli olaraq Ermənistanın təbii resursu, çıxışı yoxdu, qapalı vəziyətdədi. Avropaya çıxışı ola bilərdi, o da Türkiyə vasitəsiylə. Lakin onların arsında da problemlər var. Bütün bunların fövqündə Ermənistan istəyir ki, Rusiyanın hərbi kontingentini oradan çıxarsın. Buna görə də əlindəki imkanları işə salır”.


Tərlan Eyvazovun sözlərinə görə, bu cür mitinqləri indiki hakimiyyət özü təşkil edir. Üzdə olmasa da müxtəlif vasitələrlə dəstək verir:


"Əlbəttə Rusiya buna qarşıdı. Rusiya üzdə sakit dayansa da Ermənistana təzyiqləri artrmağa başlayıb. Əsas da qaz vasitəsiylə. Bir məsələ faktdır ki, qaz əvvəlki qiymətə satılmayacaq. Bu cür şeylərlə rəsmi Moskva Ermənistana başa salmaq istəyir ki, Amerika uzaqdı, mən yaxınam. Düşünmürəm ki, hərbi hissənin qarşısında keçirlən mitinqlər bir nəticə verə. Ən pis məqamda Rusiya qoşunlarını çıxarsa belə Türkiyə ilə münasibətlərinda artan xətt bunu kompensasiya edəcək”.

 

Sfera.az

AdRiver
AdRiver

XƏBƏR LENTİ

«    Yanvar 2019    »
B.eÇ.aÇC.aC.Ş.B
 123456
78910111213
14151617181920
21222324252627
28293031