Rusiya Bəşər Əsədin nəzarətindəki sahil zolağında hərbi gücünü gündən-günə artırır.

Sfera.az axar.az-a istinadən xəbər verir ki, bu barədə amerikalı səlahiyyətli nümayəndələrdən biri "Amerikanın səsi"nə danışarkən bildirib.

Adının açıqlanmasını istəməyən səlahiyyətli nümayəndə də daha öncə xəbər verdiyimiz kimi, Rusiyanın Lazkiyə şəhərində hərbi təyyarələrinin sayını bu həftə 28-ə çatdırdığını qeyd edib. Ekspert bildirib ki, Rusiya ordusunun Suriyaya ordu göndərməsi o deməkdir ki, bu ölkədə uzun müddət hərbi gərginlik davam edəcək.
 
Lazkiyə hava limanında 12 SU-25, 12, SU-24 və 4 SU-30 qırıcı təyyarəsi yerləşdirilib. 
  
Amerikalı səlahiyyətli nümayəndə qırıcı təyyarələrlə yanaşı, 20 ədəd helikopterin də gətirildiyini və bazaya yeni tankların da cəlb edildiyini bildirib.