“Bu şəhərdə” komandası “Millionçu” adlı yeni konsertə hazırlaşır.
Komandanın ssenaristi Müşviq Abbasov Axşam.az-a açıqlamasında yenilikləri ilə bağlı xəbər verib. O, bu il şou-biznes nümayəndələrinə az yer ayırdıqlarını bildirib:

“Beş yeni səhnəcik olacaq. Onlardan biri isə parodiyadır. ATV-nin aparıcısı Mətanət Əliverdiyevanı parodiya edəcəyik. Bu il şou-biznes nümayəndələrinə az yer vermişik. Çünki şou-biznesimiz yoxdur, ölüb. Müğənnilər nə klip çəkdirir, nə də mahnı oxuyur. Ona görə biz də onlardan əl çəkdik. Əsasən verilişlərə, aparıcılara üstünlük vermişik. Ola bilsin ki, Nüşabə Ələsgərli və Nazənini parodiya etdik. Toy səhnəsi isə olduğu kimi qalır. Yeni qonaqları olacaq".

M.Abbasov 5 gün planlaşdırdıqları konsertin günlərinin sayını artırmağı düşündüklərini bildirib:

“Hazırda insanların əksəriyyəti istirahətdədir. Şəhərdə çox adam yoxdur. Bunu nəzərə alsaq bilet satışlarımız yaxşıdır. Hətta bir günün bileti bitib. Belə davam etsə, konsertin günlərini çoxaldacağıq".

Qeyd edək ki, konsert oktyabrın 8,9,10,11,12-də Heydər Əliyev Sarayında baş tutacaq. Gecəyə biletlərin qiyməti 10 manatdan 100 manata kimidir.

Sfera.az