"Qızıl oğlan" mükafatına namizədlər açıqlandı
Avropada ilin ən yaxşı 21 yaşadək futbolçusuna təqdim olunan "Qızıl oğlan” mükafatına namizədlər açıqlanıb.
Sfera.az xəbər verir ki, İtaliyanın "Tuttosport” nəşrinin verdiyi mükafatı qazanmağa ilk olaraq 100 oyunçu iddia edir.
"100-lük"də azərbaycanlı futbolçu yer almayıb. Siyahıya Türkiyə millisinin və Almaniyanın "Şalke" klubunun müdafiəçisi Ozan Kabak əlavə edilib.
Məşhur futbolçulardan Erlinq Holand, Ceydon Sanço (hər ikisi "Borussiya", Dortmund, Almaniya), Alfonso Devis ("Bavariya", Almaniya"), Fil Foden ("Mançester Siti", İngiltərə), Meyson Qrinvud ("Mançester Yunayted", İngiltərə), Kallum Hadson-Odoi ("Çelsi", İngiltərə), Rodriqo və Vinisius Junior ("Real Madrid", İspaniya) mükafat uğrunda yarışacaq.
Qeyd edək ki, 2019-cu ildə bu mükafata İspaniya "Atletiko"sunda çıxış edən portuqaliyalı Joau Feliş layiq görülüb.
