Dini mənbələrdə orucun bir neçə mərtəbəsindən (səviyyəsindən) söhbət açılır. Bunların birincisi orucun zahiri hökmləridir ki, bunlar şəriət kitablarında qeyd edilib. Sübh azanından məğrib azanına kimi yeyib-içməyən, cinsi əlaqədə olmayan və daha bir neçə şərti gözləyən şəxs oruc tutmuş sayılır.

Sfera.az islam.az-a istinadən bildirir ki, lakin orucun bundan daha üstün mərtəbəsi bütün bədən üzvlərini günahlardan qorumaqdır. Yaxşı olar ki, oruc tutan şəxs dilini, gözünü, qulağını, əl-ayağını, hətta zehnini də günahlardan qorusun. Qeybət də dilin günahlarından biridir. Qeybət edən adamın orucu şəriətə görə pozulmaz, amma savabı azalar. Qeybət edən oruclu adam qeybət etməyən oruclu adamdan qat-qat az savab qazanar, hətta tamamilə savabı itirə bilər.