Bakının mərkəzində, küçənin ortasında 30 yaşlı paytaxt sakini zorlanıb. Bu barədə  Nəsimi Rayon Polis İdarəsindən məlumat verilib.

Bakıda azyaşlı qızlara təcavüz edən manyaka hökm oxundu

Məlum olub ki, cinayət yanvarın 15-dən 16-na keçən gecə saat 01:00 radələrində Nizami küçəsində, 149 nömrəli evin (italyan həyətində olan köhnə bina) həyətində baş verib. Naməlum kişi gecə işdən evə gələn qadına (etik məsələlərə görə ad yazmırıq) hücum edib. Qeyd edək ki, zərərçəkmiş kafe-restoranda qabyuyan işləyir.

Təcavüzkar öz qurbanına bədən xəsarətləri yetirib və onu zorlayıb. Bu vaxt yaxınlıqda post-patrul xidmətinin əməkdaşları olub. Polislər qadının qışqırıq səslərini eşidərək onun köməyinə tələsiblər. Asayiş keşikçilərini görən təcavüzkar qaçmağa başlayıb, lakin polislər onu saxlayıblar.

Saxlanan şəxsin Qazaxıstan vətəndaşı, 29 yaşlı Loktinov Ruslan Oleqoviç olduğu məlum olub.

Təcavüzkar qadının çənəsini sındırıbmış. Polis zərərçəkmişi kliniki tibbi mərkəzə çatdırıb.

İlkin araşdırma zamanı məlum olub ki, qadın piyada işdən qayıdırmış. Həmin vaxt Loktinov ona yaxınlaşaraq danışmağa başlayıb. Əvvəlcə qadın naməlum şəxslə danışıb, lakin sonra nəsə hiss edərək kişidən yaxasını qurtarmağa çalışıb.

Amma əlverişli məqam gözləyən kişi qadını yaşayış binasının həyətinə itələyib və orada onun çənəsinə zərbə vuraraq sındırıb. Sonra isə, ona cinsi təcavüz edib.

Saxlanılan şəxsə qarşı zorlama faktı ilə bağlı cinayət işi açılıb. Hazırda istintaq davam edir.sputnik.az