Qazaxıstan da latın qrafikasına keçir
14:16 / 03.04.2019
3587
Qazaxıstanda latın qrafikasına keçid mənəvi modernləşmənin əsas mərhələlərindən biridir.
Bunu Qazaxıstanın prezidenti Kasım-Jomart Tokayev deyib.
O bildirib ki, latın qrafikasına keçid mərhələli şəkildə davam edəcək: "Bu gün Qazaxıstan dövrün tələblərindən geri qalmır, qonşu ölkələr də latın qrafikasını seçiblər. Dünyada informasiyanın 90 faizi latın qrafikası ilə çap olunur. Kim informasiyaya malikdirsə, onun elmi və texnologiyası inkişaf edir”.
Trend xatırladır ki, 2017-ci ilin oktyabrında Qazaxıstanın sabiq prezidenti Nursultan Nazarbayev 2025-ci ilədək mərhələli şəkildə latın qrafikasına keçidlə bağlı fərman imzalamışdı.