Qardaşını tapança ilə vuran adamı zərərsizləşdirmək istəyərkən təsadüfən onu öldürən şəxs polisə təslim olub.

Daxili İşlər Nazirliyindən Sfera.az-a verilən məlumata görə, Şirvan şəhərində qəribə qətl hadisəsi baş verib. Şəhər ərazisində parkda dincələn Anar və Yaşar Məmmədov qardaşları ilə əvvəllər məhkum olunmuş Əvəz Əliyev arasında mübahisə düşüb. Ə.Əliyev münaqişə zəminində həmyerlisi A. Məmmədovun baş nahiyəsinə tapançanın dəstəyi ilə zərbə endirib. Hadisə yerində olan A.Məmmədovun qardaşı Y.Məmmədov mübahisəyə qoşulub və Ə.Əliyevə bıçaqla xəsarət yetirib. Ə.Əliyev aldığı xəsarətdən hadisə yerində ölüb.

Şirvan ŞPŞ-nin əməkdaşları tərəfindən hadisə yerinə baxış zamanı nömrəsi silinmiş "Makarov” markalı tapança aşkar edilərək götürülüb.

Hadisədən sonra Ə.Əliyevi öldürən Y.Məmmədov könüllü olaraq polisə təslim olub.

Faktla əlaqədar cinayət işi başlanılıb.

Sfera.az