Bir vaxtlar Azərbaycanda çıxış etmiş latviyalı futbolçu Andrey Rubins həyatı ilə gündəmə gəlib.

Sfera.az  xəbər verir ki, vaxtilə ölkəmizdə "İnter” (hazırkı "Keşlə” – Red.), "Qarabağ” və "Simurq”da (fəaliyyətini dayandırıb – Red.) klubunun şərəfini qoruyan 41 yaşlı keçmiş yarımmüdafiəçi ağır vəziyyətdə yaşayır.

Bu barədə "Metta” futbol klubunun baş katibi Qirts Mixelsons məlumat yayıb: "Onun millidəki əla karyerasından sonra həyatı enişə doğru getdi. Bir neçə klub və dostları Andreyin əməliyyat olunmasına yardım etdilər. Hazırda bizim Rubins yaşamaq üçün pul tapa bilmir”.

Mixelsons sabiq futbolçunun bank hesabının nömrəsini də yazaraq ona kömək göstərilməsini xahiş edib.

Qeyd edək ki, Latviya millisinin məşhur futbolçularından olan A. Rubins 2012-ci ildə karyerasını başa vurub.