Qarabağda qondarma "referendum"un vaxtı açıqlandı
Dünya
14:49 / 16.01.2017
902
Dağlıq Qarabağdakı işğalçı rejim "konstitusiyaya dəyişikliklərlə bağlı referendum” keçirməyi planlaşdırır.
Qondarma respublikada referendum böyük ehtimalla bu ilin fevral ayında keçiriləcək. Bunu işğalçı rejimin qondarma "Parlament”inin vitse-spikeri Vahram Balayan deyib. O vurğulayıb ki, "referendum” Parlament müfaviq dəyişikliklərlə bağlı qanunu qəbul etdikdən sonra keçirilicək.
Daşnaksutyun fraksiyası (Ermənistan İnqilabi Federasiyası) eyni şəxsin iki dəfədən artıq baş prokuror və Nəzarət Palatasının rəhbəri seçilməsinin əleyhinə olduğunu bildirib və bunun yeni konstitusiyada əksini tapmasını tələb edib.
"Konstitusiya”ya nəzərdə tutulan dəyişikliklərə əsasən, qondarma Dağlıq Qarabağ Respublikasının spikeri və vitse-spikeri toxunulmazdır və fəaliyyət müddəti bitməyincə dəyişdirilə bilməz. Bu, Daşnaksutyun partiyası tərəfindən etirazla qarşılanıb.
Bundan başqa, qondarma "konstitusiya islahatı” paketinə "ölkənin” qismən prezidentlik idarəetmə sistemindən tam prezident respublikası üsul-idarəsinə keçirilməsi məsələsi də daxildir.