İdman

“Qarabağ” böyük hesabla qalib gələcək – Siyasətçi təxminləri

“Qarabağ” böyük hesabla qalib gələcək – Siyasətçi təxminləri


"Doğma klubumuzdan hər zaman qələbə gözləmişəm. "Qarabağ həm buna layiqdir, həm də qalib gəlməyi bacarır. Komandamız özünün möhtəşəm oyunu ilə nəyə layiq olduğunu dəfələrlə sübut edib”.


Bu sözləri Sfera.az-a açıqlamasında futbol üzrə Avroliqa yarışları çərçivəsində bu gün Lüksenburqun "Düdelanj” klubu ilə qarşılaşacaq Ağdamın "Qarabağ” klubundan nələri gözlədiyi barədə sualı cavablandırarkən siyasi icmalçı Azər Həsrətdeyib: "Ümidliyəm ki, "Qarabağ” klubu bu dəfə də xalqımızı sevindirəcək. Ən azından komandanın baş məşqçisi Qurban Qurbanovun milli vətənpərvər ruhu bizə belə düşünməyə əsas verir”.


Milli Məclisin deputatı Aqil Abbas da Azərbaycan klubunun qələbəsinə əmindir:""Qarabağ” bugünkü görüşdə mütləq qələbə qazanacaq. Həm də proqnozlaşdırıram ki, bu qələbə böyük hesablı olacaq. Klubumuzun qrupda ikinci yeri tutaraq yarışların növbəti mərhələsinə adlayacağına inanıram”.

 

AXP sədri Pənah Hüseyn oyunun "Qarabağ” üçün uğurlu alınmasını arzulayıb:"Bugünkü matçı televiziyadan izləməyə çalışacam. Əvvəlki illərdən fərqli olaraq indi çılğın futbol azarkeşi deyiləm. Amma klublarımız, xüsusən də "Qarabağ” oynayanda şübhəsiz ki, həyəcanlanırıq. Yeganə arzumuz o olur ki, oyun komandamız üçün uğurlu olsun. Amma bugünkü oyunla bağlı konkret proqnoz verməkdə çətinlik çəkirəm”.

 

KXCP sədri Mirmahmud Mirəlioğlu vaxt azlığı səbəbindən futbolla maraqlanmadığını desə də "Qarabağ”a güvənir: "Vaxt azlığına baxmayaraq millimizin və klunblarımızın beynəlxalq miqyaslı matçlarına baxmağa çalışıram. Təbii olaraq, hər dəfə də yalnız qələbə gözləyirik. Bu mənada bugünkü qarşılaşmada "Qarabağ”a da uğurlar arzulayıram. Ümid edirəm ki, qələbəyə sevinəcəyik”.

 

Qeyd edək ki, Lüksemburqun "Jozi Bartel” stadionunda keçiriləcək "Düdelanj” – "Qarabağ” matçı Bakı vaxtı ilə saat 23:00-da başlayacaq.

 

 

Elçin

XƏBƏR LENTİ

«    Oktyabr 2019    »
B.eÇ.aÇC.aC.Ş.B
 123456
78910111213
14151617181920
21222324252627
28293031