Qadınlarımız ən çox bu sahələrdə çalışırlar
11:38 / 21.02.2018
898
"Son 5 ildə məşğul əhali tərkibində qadınların sayında 6,5 faiz artım müşahidə edilib".
Bunu Sfera.az-a açıqlamasında Əmək və Əhalinin Sosial Müdafiə Nazirliyinin Mətbuat Xidmətinin rəhbəri Elman Babayev deyib.
Onun sözlərinə görə, əmək bazaırnda qadınların rolu getdikcə artır:
"Ölkəmizin əmək bazarında inkişaf meyllərinin səciyyəvi cəhətlərindən biri də əmək bazarında qadınların rolunun getdikcə artması, onların əmək bazarına çıxış imkanlarının artırılmasına yönələn tədbirlərin getdikcə gücləndirilməsidir. Hazırda əmək bazarında məşğul əhalinin 48,1 faizini qadınlar təşkil edir".
Elman Babayev qadınların ən çox çalışdığı sahələri də açıqlayıb:
"Muzdla (əmək müqaviləsi əsasında) çalışanların 47 faizdən çoxu qadınlarla bağlanan əmək müqavilələridir. Ölkəmizdə qadınlar əsasən təhsil, səhiyyə və sosial xidmət sahələrində çalışırlar”.
Nihat Hüseynzadə