Sİyasət

“Putin Köçəryanın arvadı ilə ona görə görüşdü ki…” – Cümşüd Nuriyevdən açıqlama

“Putin Köçəryanın arvadı ilə ona görə görüşdü ki…” – Cümşüd Nuriyevdən açıqlama


"Putinin Ermənistan səfəri zamanı bu ölkənin keçmiş prezident Robert Köçəryanın arvadı ilə görüşməsi diplomatik dildə o deməkdir ki, Rusiya prezidenti Paşinyanı deyil, məhz keçmiş prezidenti tanıyır”.


Bu sözləri Sfera.az-a açıqlamasında İrəvanda Avrasiya İttifaqının tədbirində Rusiya prezidentinin Ermənistanın keçmiş prezidenti Röbert Köçəryanın arvadı Bella Köçəryanla görüşməsinə münasibət bildirərkən politoloq Cümşüd Nuriyev deyib:

 

"Bu addımla Putin bir daha göstərdi ki, Rusiya özününküləri, özünə xidmət edənləri heç zaman atmır, yaddan çıxartmır. Bununla Putin Paşinyana nümunə göstərdi ki, o Köçəryanı həbs etsə də, onun ailəsilə görüşür. Digər tərəfdən, bu addımı ilə Putin onu da demək istəyir ki, Paşinyan da Rusiyaya xidmət etsə, onu da qoruyacaq”.

 

Ekspert bildirdi ki, bununla Rusiya lideri Ermənistanı zərrə qədər də saymadıqlarını ortaya qoydu: "Yazılmamış diplomatiya qanunlarına görə Putinin bu hərəkəti eyni zamanda Ermənistanı saya almaması kimi qəbul edilməlidir. Bu adam Ermənistanı dövlət kimi saymır. Baxmayaraq ki, keçmiş prezident həbsdədir, Putin isə ora gedərək İrəvandan icazə almadan öz işini görərək, onun yaxınları ilə görüşür. Hər halda tezliklə bu görüşün də səsi çıxacaq. Çünki belə görüş təsadüfi sayıla bilməz”.

 

 

Orxan Əliyev 

Sfera.az

XƏBƏR LENTİ

«    Oktyabr 2019    »
B.eÇ.aÇC.aC.Ş.B
 123456
78910111213
14151617181920
21222324252627
28293031