Prokuror biznesmen oğlunun 6 il azadlıqdan məhrum edilməsini istədi
20:04 / 13.03.2018
4220
Bakı
Ağır Cinayətlər Məhkəməsində şəhid qızı Könül Əkbərovanı idarə etdiyi
"Jeep" markalı maşınla vuraraq öldürməkdə təqsirləndirilən 17 yaşlı
Rəhim Rəhimovun məhkəməsi davam
edib.
Sfera.az-ın məlumatına görə, bu gün dövlət ittihamçısı çıxış edib və R. Rəhimovun 6 il müddətinə azadlıqdan məhrum eüdilməsini istəyib.
Qəza zamanı vəfat edən, 3 uşaq
anası olan K.Əkbərova şəhid Elton Əkbərovun qızıdır. Onu vuran 17 yaşlı gənc
isə iş adamı, "Xırdalan Xəz" Açıq Tipli Səhmdar Cəmiyyətinin
sədri Akif Rəhimovun oğlu Rəhim Rəhimovdur. A.Rəhimov isə "Yeganə” şadlıq
sarayının rəhbəri Məmməd Rəhimovun qardaşıdır.
Sfera.az-ın məlumatına görə, bu gün dövlət ittihamçısı çıxış edib və R. Rəhimovun 6 il müddətinə azadlıqdan məhrum eüdilməsini istəyib.
R.
Rəhimovun 2017-ci il dekabrın 4-də həbs edilib.
2000-ci ildə Yevlax rayonunda
anadan olan R. Rəhimov qəza törətdiyi zaman Bakı Dövlət Universitetinin
Beynəlxaq Münasibətlər və İqtisadiyyat fakültəsində təhsil alırmış.
2017-ci il noyabrın 8-də R.
Rəhimov "Jeep Grand Cherokee” markalı 90-FO-007 dövlət nömrə nişanlı
avtomobillə yolu keçmək istəyən 1975-ci il təvəllüdlü Əkbərova Könül Elton
qızını vurub və piyada vəfat edib. R. Rəhimov isə hadisə yerindən qaçıb.
R. Rəhimov Cinayət Məcəlləsinin
263-1.3 (nəqliyyat vasitələrini idarə etmək hüququ olmayan şəxs tərəfindən yol
hərəkəti və nəqliyyat vasitələrinin istismarı qaydalarını pozma,
ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat
hadisəsi yerindən qaçma) maddələri ilə ittiham edilir.
Nəqliyyat vasitəsinə sahiblik
hüququ olan Əmrulla Şahbazov tərəfindən nəqliyyat vasitəsini idarə etmək üçün
idarəetmə hüququ olmayan şəxsə verilməsinə görə sonuncunun inzibati qaydada
məsuliyyətə cəlb olunub.