Pensiyaçıları hansı yeniliklər gözləyir? - VİDEO
Pensiya sistemində yeniliklər olacaq.
Sosial sığorta ödəyiciləri vaxtından əvvəl pensiya ala biləcəklər. Bu sahədə daha bir yenilik isə çalışan əlillərə veriləcək pensiyaların artırılmasıdır. Bütün bu təkliflərin hazırlanmasına səbəb , gələcəkdə pensiyaların ödənilməsi üçün maliyyə təminatının yaxşılaşdırılmasıdır.
Azərbaycanda sosial sığorta haqlarının ödənilməsinin stimullaşdırılması və pensiya sisteminin maliyyə təminatının dayanqılığını yaxşılaşdırılması üçün tədbir planı hazrlanır. Dövlət Sosial Müdafiə Fondu tərəfindən hazırlanan yeni təkliflərə əsasən işləyən əlillərə ödənilən pensiyaların artırılması nəzərdə tutulur.
Yeni təkliflərin hazırlanmasında beynəlxalq təcrübədən geniş şəkildə istifadə edilir. Bu işə yüksək riyazi modellərlə hesablamar aparan aktuarlar və dünya bankının ekspertləri də cəlb olunub.
Təkliflərə əsasən Azərbaycanda hərbi qulluqçuların ailə üzvlərinə verilən pensiyalarda artırıla bilər. Bundan başqa müzakirəyə çıxarılan təkliflərdən biridə sosial sığorta haqları ödəyən insanların fərdi hesablarda olan kapitallarının 2 dəfə artırılmasıdır.