Bildirilir ki, adıçəkilən şəxs ürək çatışmazlığından əziyyət çəkir. İddiaya görə, cəzaçəkmə müəssisəsinin baraklarında həddindən artıq sıxlıq və isti hava şəraiti onun sağlım durumuna təsir edib və vəziyyətə həkimlər tərəfindən müdaxilə edilmir. 

Sfera.az xəbər verir ki, "Qafqazinfo" məsələylə bağlı Penitensiar Xidmətin şöbə rəisi Mehman Sadıqovla əlaqə saxlayıb. Şöbə rəisi  bildirib ki, Əlizamin Salayevin hər hansı bir problemi yoxdur: "Əgər sözügedən məhbusun səhhətində hər hansı bir problem varsa, müəssisədə fəaliyyət göstərən həkimlərə müraciət edə bilər. Həmçinin başqa problemləri olduğu halda isə, Baş İdarəyə rəsmi şəkildə müraciət etməlidir. Onun hüquqları da, digər məhkumların hüquqları kimi qanunvericilikdə nəzərdə tutulmuş şəkildə qorunacaq”.