Paşinyan İlham Əliyevlə olan görüşdən danışdı:“Bu o demək deyil ki, kimsə udub, kimsə uduzub”

Paşinyan İlham Əliyevlə olan görüşdən danışdı:“Bu o demək deyil ki, kimsə udub, kimsə uduzub”
Azərbaycan prezidenti ilə danışıqlardan dərhal sonra Ermənistanın baş naziri Nikol Paşinyan Vyanadakı erməni diasporunun nümayəndələri ilə görüşə yollanıb. İ.Əliyevlə danışıqlardan sonra diasporla görüşlər N.Paşinyan üçün bir növ ənənə halını alıb. Moskvadakı görüşdən sonra da Paşinyan diasporla görüşmüş və ilkin təəssüratları ilə bölüşmüşdü.

Virtualaz.org Ermənistan KİV-lərinə istinadən xəbər verir ki, bu dəfə baş nazir Azərbaycan prezidenti İlham Əliyevlə görüşünü müsbət qiymətləndirib.

Onun sözlərinə görə, danışıqlar prosesində irəliləyişin, inqilabın, yaxud da dönüşün baş verdiyini demək olmaz. Lakin vacibdir ki, tərəflərə özlərinin təsəvvürləri, problemləri və gündəlikləri barədə, onun – Paşinyanın hələ Xankəndində bəyan etdiyi proses haqqında danışmağa imkan verən proses başlayıb.

"Ümid edirəm ki, prezident Əliyev də görüşü müsbət qiymətləndirəcək. Mən müsbət qiymətləndirdiyimi deyəndə, bu o demək deyil ki, kimsə udub, kimsə uduzub. Bizim qeydə almalı olduğumuz əsas dəyişiklik odur ki, çıxıb mən qalib gəldim, o isə uduzdu demək kimi bir öhdəlik yoxdur. Söhbət başlayıb, hər bir tərəfin öz təsəvvürü var. Münaqişənin çox dərin kökləri var. Vəziyyət çox mürəkkəbdir, problem çox dərindir”, – baş nazir deyib.

"İndi aşağıdakı məsələlərin üzərində düşünməyin əsl vaxtıdır. Misal üçün, münaqişə tərəfləri səy göstərə bilərlərmi ki, təmas xəttində vəziyyət sabit qalsın, tərəflər buna nail ola bilərlərmi ki, sərhədyanı kəndlər normal həyatlarını yaşasınlar, kənd təsərrüfatı ilə məşğul olsunlar və qarşı tərəfin atəşinə tuş gələcəklərindən qorxmasınlar”.

O ümid etdiyini bildirib ki, bu məsələlərlə bağlı qiymətləndirməsi və Əliyevin görüşə verəcəyi qiymət bir-birindən çox fərqlənməyəcək.

 

OXŞAR XƏBƏRLƏR

"TikTok"a məhdudiyyət qoyulmalıdırmı? - Azərbaycanda SORĞU

Sosisal Tədqiqatlar Mərkəzi (STM) tərəfindən keçirilən növbəti sorğularda "TikTok" media platformasına məhdudiyyətlərin tətbiqi barədə ictimai mövqe ö...

Elmira Süleymanova VƏFAT ETDİ - YENİLƏNDİ - 2

Azərbaycanın ilk İnsan Hüquqları üzrə Müvəkkili (Ombudsman) Elmira Süleymanova ilə vida mərasimi başa çatıb.   Sfera.az xəbər verir ki, Təzəpir məsci...

Rusiya XİN: "Azərbaycan və Ermənistanın sərhədlərin delimitasiyası üzrə bütün səylərini dəstəkləyirik"

Rusiya Azərbaycan və Ermənistanın sərhədlərin delimitasiyası ilə bağlı bütün səylərini dəstəkləyir.   Sfera.az xəbər verir ki, bunu Rusiya Xarici İşl...

Prezidentlər Ağdamın Xıdırlı kənd tam orta məktəbinin təməlqoyma mərasimində İŞTİRAK ETDİLƏR

Azərbaycan Prezidenti İlham Əliyev və Qırğız Respublikasının Prezidenti Sadır Japarov aprelin 25-də Ağdam rayonunun Xıdırlı kənd tam orta məktəbinin birgə təməl...

Regionların sosial-iqtisadi inkişafı üçün hansı tədbirlər görülməlidir? - AÇIQLAMA 

Paytaxt Bakının inkişafı yalnız öz hesabına deyil, regionlarımızın da sosial-iqtisadi yüksəlişi ilə əlaqədardır. Azərbaycanda regionların inkişafının təmin...

Prezidentlər Füzuli şəhərinin Baş planı ilə TANIŞ OLDULAR - FOTO - YENİLƏNDİ

Azərbaycan Prezidenti İlham Əliyev və Qırğız Respublikasının Prezidenti Sadır Japarov Füzuli şəhərinin dağıdılmış yerlərinə baxıb və şəhərin Baş planı ilə tanış...