Sfera.az bildirir ki, Huffinqton postun verdiyi məlumata görə Paraqvay sakinləri, Karmen Del Parana çayında  "Çupakabra" cəsədi tapıblar. Olmuş məxluqun foto və videosunu dərhal internetdə paylaşıblar. 

Hadisə yerinə gəlmiş xilasedicilər cəsədin bu günə qədər məlum olmayan meymun cinsinə aid olması Hipotezini irəli sürüblər. Huffinqton postun məlumatına görə, "Çupakabra"  qəhvəyi yunla örtülmüş, "Quleybani"yə bənzər mifik canlıdır . O, ev heyvanlarına hücum edərək, qanlarını sorurmuş. 

Bəzən xəstə tülküləri, yalquzaqları "Çupakabra" ilə səhv salırlar.  İlk dəfə 1950 ci ildə Puerto-Rikoda bir neçə ölmüş və fərziyəyə görə qanı sorulmuş keçilər tapdıqdan sonra, "Çupakabra"  haqqında söz-söhbətlər gəzməyə başlayıb.Başqa ölkələrdə də tapılmasına baxmayaraq bu sirli məxluqun sədaları ən çox Puerto-Rikodan gəlir.2014-cü ildə Rusiya kənd təsərrüfatı nazirliyi  "Çupakabra"nın varlığını təkzib edib.Bu bəyanat Belomut qəsəbəsində 60 qoyunun sirli şəkildə öldürülməsindən sonra yer almışdı.