Dünya

Pakistan Hindistanla mədəni əlaqələri tam dayandırır

Pakistan Hindistanla mədəni əlaqələri tam dayandırır

 

 

Pakistan Hindistanla olan mədəni əlaqələri tam dayandırmaq qərarı alıb.

"RİA Novosti” xəbər verir ki, qərar iki ölkə arasında münasibətlərin mübahisəli Kəşmir bölgəsinə görə kəskinləşməsi fonunda qəbul edilib.

Pakistan Baş nazirinin informasiya və teleyayım məsələləri üzrə xüsusi müşaviri Firdus Aşik Avan bildirib ki, iki ölkənin bu sahə üzrə daha əvvəl planlaşdırılmış birgə tədbirləri ləğv edilib:

"Biz Hindistandan bütün növ (əyləncə - red.) kontentdən istifadəni dayandırmaq qərarına gəldik. Respublikanın Milli Təhlükəsizlik Şurası bütün cəbhələrdə hind ideologiyası ilə mübarizə üçün xüsusi qurumun təsis edilməsini tapşırıb. Hindistan materiallarının məzmunu yalan təbliğatdan ibarətdir”.

Xatırladaq ki, Hindistan Prezidenti bazar ertəsi Cammu və Kəşmirin xüsusi statusunun ləğv edilməsi haqqında qanun imzalayıb.

Federal hökumətin təşəbbüsünə əsasən, bunun əvəzində iki müttəfiq ərazi yaradılacaq, onların hüquqları daha az olacaq. Bu təşəbbüs parlament tərəfindən qəbul edilib.

XƏBƏR LENTİ

«    Oktyabr 2019    »
B.eÇ.aÇC.aC.Ş.B
 123456
78910111213
14151617181920
21222324252627
28293031