“OPEC+” problemi və yeni virus ştamı neft bazarında narahatçılığı artırır - ŞƏRH

“OPEC+” problemi və yeni virus ştamı neft bazarında narahatçılığı artırır - ŞƏRH
"OPEC+” razılaşmasının əldə edilməməsinin ardından yeni COVİD-19 ştamının yayılması neft bazarlarında narahatçılığı bir qədər də artırıb.
 
Sfera.az Beynəlxalq Enerji Agentliyinə (IEA) istinadən xəbər verir ki, mövcud vəziyyət neft qiymətləri üçün risklər yaradır.
 
Agentliyin şərhinə görə "OPEC+” ölkələrinin avqust ayı üçün hasilat kvotasında razılaşma əldə etməməsi neft bazarında təklifin tənzimlənə bilməməsi qorxusunu yaradıb. IEA bildirir ki, dünyada neftə olan gündəlik tələbi gündəlik hasilat hesabına ödəmək mümkün deyil. Artıq tələbin həcmi təklifi keçib və əlavə həcmlər pamdemiyanın əvvəlində yaradılan ehtiyatlar hesabına təmin olunur.
 
İEA-nın məlumatına əsasən, son 10 ildə ilk dəfədir ki, ehtiyatlardan çox istifadə edilir. Agentlik hasilatın artırılmayacağı təqdirdə ehtiyatların daha çox azalacağını və nəticədə neft qiymətlərinin yüksələcəyini bildirir.
 
Qurum izah edir ki, neftin proqnozlaşdırılan səviyyədən daha baha satılması neft ixracatçıları üçün risk yaradır. Çünki yüksək qiymət şəraitində neft hasil edən bütün ölkələr hasilatı artırmağa çalışır. Bu vəziyyət bazarlarda neft bolluğunin yaranmasına və nəticədə qiymətlərin yenidən kəskin enməsinə gətirib çıxarır.

Belə bir qiymət dalğalanmasının yaşanmaması üçün "OPEC+” çərçivəsində hasilatın razılaşdırılması vacibdir.  "OPEC+” çərçivəsində razılaşma əldə edilməyəcəyi təqdirdə neft bazarında qiymət volatilliyinin yüksək olacağını bəyan edən İEA hesab edir ki, bu vəziyyət həm ixracatçı, həm də idxalçı ölkələrə sərf etmir.
 
Agentliyin proqnozuna əsasən, 2021-ci ilin sonuna kimi neftə olan tələb artacaq və 2022-ci ilin əvvəlində gündəlik tələb 100 milyon barelə çatacaq. Bu il ərzində gündəlik tələbin 5,4 milyon barel artması gözlənilir.
 
İEA neft bazarı üçün növbəti təhlükənin COVİD-19 virusunun yeni ştamının yayılmasında görür. Agentlik virusun yeni variantının növbəti sərt karantin tədbirlərinə yol açacağından və bununla tələbin kəskin zəifləyəcəyindən narahatdır.
 
Vasif
 
 

OXŞAR XƏBƏRLƏR

Cavanşir Məmmədov vəfatından 11 gün əvvəl: "Xanımım məndən tez ölsün, onu özüm..." - VİDEO

Bu gün vəfat edən Əməkdar artist Cavanşir Məmmədov 11 gün əvvəl "ARB TV"də Zaur Kamalın verilişində iştirak edib.   Sfera.az xəbər ver...

Ərdoğan HAMAS Siyasi Bürosunun rəhbəri ilə GÖRÜŞDÜ

Türkiyə Prezidenti Rəcəb Tayyib Ərdoğan İstanbulda HAMAS Siyasi Bürosunun rəhbəri İsmayıl Haniyə ilə görüşüb.   Sfera.az-ın verdiyi xəbərə görə, bu b...

Cavanşir Məmmədov DƏFN OLUNDU -YENİLƏNDİ - 2

Əməkdar artist Cavanşir Məmmədov dəfn olunub.   Sfera.az xəbər verir ki, mərhum sənətçi bu gün “Qurd Qapısı” qəbiristanlığında torpağa ta...

Cavanşir Məmmədovun ölümündən əvvəlki son görüntüsü - VİDEO

Bu gün vəfat edən Əməkdar artist Cavanşir Məmmədovun son görüntüsü yayılıb.   Sfera.az xəbər verir ki, sənətçi dünən Bakıdakı şadlıq saraylarının bir...

Türkiyə XİN: "Azərbaycanla Ermənistan arasında əldə olunan razılıq sülh sazişinə mühüm töhfədir"

Azərbaycan və Ermənistan sərhəd komissiyaları arasında əldə olunan razılıq sülh sazişi üçün mühüm töhfədir.   Sfera.az xəbər verir ki, bu barədə Türk...

""Abrams"lar 500 dollarlıq dronların qarşısında acizdir" - "New York Times”

Pilotsuz uçuş aparatları (dron) müasir müharibənin təbiətində əsaslı dəyişikliyə səbəb olur.  Sfera.az xəbər verir ki, bunu Hudson İnstitutunun hərbi ...