Sfera.az xəbər verir ki, vəzifəsini itirərək ana müxalifət cərgələrinə qatılan Benyamin Netanyahu Qüds Bölgə Məhkəməsində baş tutan məhkəmə iclasına qatılmayıb.

Netanyahunun baş nazirlik kreslosundan məhrum olmasından sonra keçirilən ilk məhkəmə iclasında "Wall News” şirkətinin baş direktoru İlan Yeşua dinlənilib.

Məhkəmədə Netanyahunun vəkillərinin Yeşua və digər şəxslər arasındakı şəxsi əlaqələri göstərən sübutları məhkəməyə təqdim etməsi gözlənilir.

Yerli KİV xəbərlərində Netanyahu göstərməyə çalışıb ki, onu təmsil edən vəkillər təkcə onun deyil, bəzi digər siyasətçilərin və iş adamlarının da xəbərlərinin də "Wall News” nəşrində çap etdirilməsini təmin ediblər.

2019-cu ilin 21 noyabrında İsrail Baş prokuroru Aviçai Mandelblit Netanyahunun üç ayrı korrupsiya işinə görə mühakimə olunmasını tələb edib.

Vəzifədə ikən mühakimə olunan ilk İsrail Baş naziri kimi tarixə düşən Netanyahunun ilk məhkəmə iclası 2020-ci ilin 24 mayında Qüds Bölgə Məhkəməsində olmuşdu.

Naftali Bennettin rəhbərlik etdiyi koalisiya hökuməti iyunun 13-də etimad səsi qazandıqdan sonra baş nazir kürsüsünü itirən Netanyahunun vəkilləri, sənədləri və sübutları araşdırmaq üçün daha çox vaxt istəmişdilər. Bundan sonra iyunun 16-da məhkəmə işin təxirə salınmasına qərar vermişdi.