Nəsimi rayonu 2019-cu ili yüksək nailiyyətlərlə başa vurub
17:05 / 17.02.2020
2273
Nəsimi Rayon İcra Hakimiyyəti Başçısı yanında Şuranın geniş
iclasında 2019-cu ildə rayonun sosial-iqtisadi inkişafına yekun vuruldu.
Azərbaycan Respublikasının Prezidenti cənab İlham Əliyevin yanında
2019-cu ilin yekunlarına həsr olunmuş müşavirədə qarşıya qoyulmuş
vəzifələr müzakirə olundu, yeni ilin başlıca hədəflərini əhatə edən qərar
qəbul edildi.
Toplantını giriş sözü ilə açan Nəsimi Rayon İcra Hakimiyyətinin
Başçısı Asif Əsğərov bildirdi ki, keçən il respublikamızda olduğu kimi,
Bakının Nəsimi rayonunda da davamlı sosial-iqtisadi inkişaf təmin
edilib, bir sıra layihələr uğurla həyata keçirilib.
Yığıncaq iştirakçılarına rayonda son bir ildə baş verən yenilikləri və
ümumi irəliləyişi əks etdirən slayd təqdim olunandan sonra Nəsimi RİH-
in başçısı Asif Əsgərov 2019-cu ildə sosial-iqtisadi inkişafın əsas
göstəricilərini şərh etdi, ölkə başçısının paytaxtın və onun rayonlarının
hərtərəfli inkişafı ilə bağlı həyata keçirdiyi siyasətin növbəti hədəfləri
barədə məlumat verdi.
Natiq qeyd etdi ki, Prezident İlham Əliyevin ötən ilin əvvəlində yerli
icra strukturlarına verdiyi tapşırıqların Nəsimi rayonunda bütünlüklə və
ardıcıl icrası ilin uğurla başa çatdırılmasını təmin edib. Dövlət başçısı
paytaxtın mərkəzi rayonunun problemlərinin həllini daim nəzarətdə
saxlayır, gerçəkləşdirilən layihələri ardıcıl himayə edir. Prezident İlham
Əliyevin və Azərbaycan Respublikasının Birinci vitse-prezidenti
Mehriban xanım Əliyevanın rayona hər gəlişi nəsimililərin həyatında
əlamətdar hadisəyə çevrilmişdir.
Hesabat ilində Bakı şəhərinin Nəsimi rayonunun sosial-iqtisadi
inkişafında, müəssisə və təşkilatların fəaliyyətində nəzərə çarpacaq
müsbət irəliləyişlər olmuşdur.
Rayon üzrə iqtisadiyyatın bütün sahələrində mövcud olan artım
dinamikası saxlanılmış, 9000 yeni daimi iş yeri açılmış, orta aylıq əmək
haqqı əvvəlki illə müqayisədə 16,9% artaraq, 762.6 manat təşkil
etmişdir.
Azərbaycan Respublikasının Prezidenti cənab İlham Əliyevin və
Azərbaycan Respublikasının Birinci vitse-prezidenti Mehriban xanım
Əliyevanın ötən il 28 May, Dilarə Əliyeva və Fikrət Əmirov küçələrinin
kəsişməsində yerləşən yeni parkda yaradılan şəraitlə tanış olmağı,
metronun 28 May stansiyasının qarşısında vətəndaşlarla görüşü və
Dəmir Yolu Muzeyi ilə tanış olmağı, Azərbaycan Respublikasının
Birinci xanımı Mehriban Əliyevanın Nəsimi rayonundakı 268 nömrəli
xüsusi məktəbdə uşaqlarla görüşü, 1 nömrəli körpələr evini növbəti dəfə
ziyarət etməsi 2019-cu ildə Nəsimi rayonunun ictimai-siyasi həyatında
əlamətdar hadisə olmuşdur.
Aprelin ayının 26-da Azərbaycan Respublikasının Birinci vitse-
prezidenti Mehriban xanım Əliyevanın Nəsimi rayonunda yerləşən Tibb
Universitetinin 4 saylı yataqxanasında məskunlaşan məcburi
köçkünlərin yaşayış şəraiti və problemləri ilə tanış olarkən köçkün
ailələrinin Qobuda yerləşən yeni yaşayış massivinə köçürülmələri
barədə göstərişindən sonra qısa müddətdə 478 nəfərdən ibarət 131
məcburi köçkün ailəsinin Qaradağ rayonu "Qobu Park” yaşayış
kompleksinə köçürülməsi Azərbaycan Respublikasının Prezidenti cənab
İlham Əliyevin rəhbərliyi ilə həyata keçirilən çoxsaylı layihələrin
ölkədə aparılan siyasətin mərkəzində Azərbaycan vətəndaşının
dayanması amilinin ötən ildə də reallaşdırıldığına bariz nümunədir.
Ölkəmizdə təhsil və gənclərin inkişafı, əhalinin sağlamlığının
qorunması istiqamətində həyata keçirilən proqramlarla yanaşı, Heydər
Əliyev Fondunun reallaşdırdığı layihələr Nəsimi rayonunda da mühüm
nailiyyətlərin qazanılmasına şərait yaratmışdır. Heydər Əliyev
Fondunun vitse-prezidenti Leyla xanım Əliyevanın təşəbbüsü və dəstəyi
ilə 2019-cu il ərzində Nəsimi rayonu Rəşid Məmmədov küçəsi 23, 25,
27, Hüseyn Seyidzadə küçəsi 20, 22 24, 26, 28, Moskva pr. 46, 48,
Cavadxan küçəsi 1, Cavadxan küçəsi 3, 5, 7, Asif Məhərrəmov küçəsi
34, 38, 42, 46, Rəşid Məmmədov küçəsi 9, 9 ünvanlarında "Bizim
həyət” və "Abad həyət” layihələri həyata keçirilmişdir.
Hər il həyata keçirilən əhalinin tibbi müayinəsi və yeniyetmələrin
"Ölkəmizi tanıyaq” devizi altında respublikamızın ayrı-ayrı bölgələri ilə
tanışlığı üçün tur-aksiyaların, həmçinin Qusar rayonunda məktəblilərin
yay istirahət düşərgələrinin təşkili tədbirləri Nəsimi rayon sakinləri
tərəfindən dərin minnətdarlıq hissləri ilə qarşılanmışdır.
Ötən tədris ilində rayonun orta məktəblərini 1574 nəfər bitirmiş,
onlardan 1233 nəfəri tələbə adını qazanmışdır. Məzunlardan 327 nəfəri
xarici ölkələrin ali məktəblərinə, 57 nəfəri 600-dən çox, 8 nəfəri 650-
dən çox bal toplayaraq ali məktəblərə qəbul olunmuşlar.
Azərbaycan Respublikası Prezidentinin Sərəncamı ilə 2019-cu
ilin "Nəsimi ili” elan edilməsi rayonumuz üçün tarixi və əlamətdar
hadisə olmuş, Böyük Azərbaycan şairi İmadəddin Nəsiminin 650 illik
yubileyi Nəsimi rayonunda da böyük fərəh və ruh yüksəkliyi ilə qeyd
olunmuşdur.
Ötən il abadlıq və quruculuq sahəsində də tədbirlər davam
etdirilmişdir. Qaz, elektrik enerjisi, istilik, su təchizatı və kanalizasiya
sistemlərinin yaxşılaşdırılması, rayonun küçələrinin və məhəllədaxili
yolların əsaslı təmiri, yenidənqurulması və işıqlandırılması işləri uğurla
həyata keçirilmişdir.
Vətəndaşların rifahının daha da artırılması, onların asudə
vaxtlarının səmərəli təşkilinin təmin edilməsi, sosial infrastrukturların
yaradılması ilə bağlı tədbirlərin görülməsi barədə tapşırıqların icrası
istiqamətində 2019-cu ildə geniş abadlıq-quruculuq işləri aparılaraq Asif
Məhərrəmov küçəsi başdan-başa yenidən qurulmuş, binaların fasadları,
liftlər, dam örtükləri təmir edilmiş, həyətlərdə abadlıq işləri aparılmış,
yeni yaşıllıq zolaqları salınmışdır.
Əhalinin məşğulluq səviyyəsinin artırılması, yeni iş yerlərinin
açılması, sahibkarlığın inkişaf etdirilməsi, sərmayələrin cəlb edilməsi,
sakinlərin mənzil-məişət şəraitinin yaxşılaşdırılması, mövcud
şəhərsalma normalarına cavab verməyən, şəhərin ümumi görünüşünə
xələl gətirən yaşayış binalarının, sosial və digər qeyri-yaşayış
obyektlərinin sökülərək yenidənqurulması, yeni yaşayış binalarının inşa
edilməsi üzrə 25 layihənin icrası ötən il davam etdirilmiş, layihələrin bir
neçəsində tamamlanma işləri aparılaraq sakinlərə yeni mənzillərin
təqdim olunmasına başlanmışdır.
Rayon İcra Hakimiyyətinin təşkilatçılığı ilə tarixi günlər və yubileylərlə
bağlı kütləvi tədbirlər keçirib, ümumxalq bayramları, ayrı-ayrı peşə
günləri təntənə ilə qeyd olunub, müxtəlif sahələrdə fərqlənənlər
mükafatlandırılıblar.
Vətəndaşların müəyyən edilmiş vaxtlarda qəbulu, onların
müraciətlərinə əsaslandırılmış yazılı cavabların verilməsi, şəffaflığın
artırılması, mövcud nöqsanların aradan qaldırılması məsələləri daim
diqqət mərkəzində saxlanılıb.
Hesabat göstəricilərinə yekun vuran Nəsimi rayon İcra
Hakimiyyətinin Başçısi qeyd etdi ki, əldə olunmuş uğurlar yeni
nailiyyətlər üçün möhkəm zəmin yaradıb.
Hesabat yığıncaqda çıxış edənlər rayonda görülmüş işləri yüksək
qiymətləndirdilər, qarşıda duran vəzifələrdən, həlli vacib məsələlərdən
söhbət açdılar.
Azərbaycan Respublikası Prezidenti Administrasiyasının sektor
müdiri Tağı Tağıyev yığıncaqda çıxış edərək, 2020-ci ildə Nəsimililərə
daha böyük uğurlar arzuladı.
Müzakirələrdən sonra cari ilin konkret hədəflərini əks etdirən qərar
qəbul olundu. Toplantı iştirakçıları adından Prezident İlham Əliyevə
ünvanlanan müraciətdə rayonun sürətli inkişafına göstərdiyi diqqət və
qayğıya görə ölkə rəhbərinə minnətdarlıq, Nəsimililərin quruculuq əzmi
ifadə olundu.
Yekun hesabatda rayonun ictimai-siyasi həyatında fəal iştirak edən
yubilyarlara Nəsimi rayon İcra Hakimiyyətinin xatirə hədiyyələri təqdim
olundu.
