Neftin qiyməti 60% bahalaşacaq
Bir sıra qiymətləndirmələrə əsasən, neftin bir barelinin qiyməti 2017-ci ildə 55 dollara çata bilər.
Sfera.az anspress-ə istinadən bildirir ki, bunu Yaxın Şərq üzrə analitik, Dubayda
Risklərin İdarə olunması İdarəsinin müşaviri Teodor Karasik deyib.
Neftin qiymətinin cari artımının müvəqqəti olduğunu bildirən ekspert qeyd edib ki,
neft bazarında vəziyyətin inkişafını heç kim dəqiq bilə bilməz.
"Trend"ə müsahibə verən Teodor Karasik bildirib ki, neft bazarında indiki vəziyyətin
günahkarı ABŞ, Rusiya və İranı zəiflətmək məqsədilə iqtisadi və siyasi böhran yaratmaq
istəyən Səudiyyə Ərəbistanıdır.
Yanvar ayında neftin qiymətinin dəyişməsi analitkin dediklərini müəyən qədər təsdiqləyir.
Məsələn, yanvarın 20-də bir barrelinin qiyməti 27,88 dollara düşmüş Brent nefti hazırda
34,74 dollardan satılır. Amma istənilən halda neftin qiymətinin müəyyən qədər qalxaraq
istehsalçı ölkələrə üçün əlverişli vəziyyətdə sabitləşməsi OPEK və kartelə daxil olmayan
ölkələr arasındakı anlaşma nəticəsində baş tuta bilər.
Bu məsələyə diqqət yetirən Venesuela prezidenti Nikolas Madura bildirib ki, artıq OPEK
və kartelə daxil olmayan ölkələr anlaşmaya yaxındırlar: "Biz artıq OPEK və kartelə daxil
olmayan neft ölkələri arasında anlaşmaya yaxınıq. Amma yaxınıq demək, anlaşma əldə
olunub demək deyil".
"PetroleumWorld" agentliyinin neft analitiki Elio Oep isə bildirib ki, bu anlaşma əldə edildikdən
sonra bazar Rusiya və Səudiyyə Ərəbistanının addımlarından asılı olacaq. Hər halda, birlikdə
gün ərzində təxminən 20 milyon neft hasil edən bu iki ölkə bazara nəzarət edə bilər. Analitikin
fikrincə, bu, neftin barrelinin qiymətini 30-40 arasında qərarlaşdırmağa imkan yaradar.